Reglur um námskeiðsgjöld

Með því að haka við „Ég samþykki skilmála Hraðlestrarskólans“ við skráningu á námskeið þá samþykkir þú eftirfarandi skilmála:

Skráning í námskeið jafngildir samningi um greiðslu á námskeiðsgjaldi. Ná þarf lágmarksþátttöku í námskeið svo námskeið verði haldið. Þegar hámarksþátttöku er náð er námskeiði lokað og innheimta námskeiðagjalda hefst óháð því hve langt er í námskeið.

Forföll og innheimta námskeiðsgjalda:

Þátttakandi sem er skráður á námskeið en hættir við að sitja það skal tilkynna forföll með skriflegum hætti til Hraðlestrarskólans með 14 daga fyrirvara. Tilkynning skal berast á netfangið - jovvi[hjá]hradlestrarskolinn.is. Hraðlestrarskólinn áskilur sér rétt til þess að innheimta 100% námskeiðagjald skrái þátttakandi sig úr námskeiði innan 14 daga áður en námskeið hefst. Láist þátttakanda að skrá sig úr námskeiði áður en það hefst eða hættir eftir að námskeið er hafið áskilur Hraðlestrarskólinn sér rétt til þess að innheimta námskeiðsgjald að fullu.

Námskeiðsgjald er í öllum tilvikum innheimt að fullu ef eitt eða fleiri eftirfarandi atriða eiga við:

Námskeiði hefur verið lokað og biðlisti er á námskeið.
Námskeið er hafið og fjöldi þátttakenda nær einungis lágmarksfjölda þátttakenda.

Kynningarefni

Ljósmyndir og myndbönd teknar af þátttakendum á námskeiðum geta verið notaðar í kynningar- og fræðsluskyni á vefsíðu og samfélagsmiðlum Hraðlestrarskolinn.is. Þátttakendur eru vinsamlegast beðnir um að tilkynna á netfangið jovvi[hjá]hradlestrarskolinn.is ef sérstaklega er óskað eftir því að myndbirting fari EKKI fram.

Greiðslutilhögun

Námskeið þarf að greiða innan 7 daga frá skráningu á námskeið, hægt er að millifæra námskeiðagjald eða óska eftir að greiðsluseðill verði settur í heimabanka. Einnig bjóðum við upp raðgreiðslur (2-4 mánuði) á greiðsluseðlum. Ef óskað er eftir raðgreiðslu eða að greiðsluseðill fyrir námskeiðagjaldi komi í heimabanka þarf greiðandi að hafa samband við Hraðlestrarskólann – jovvi[hjá]hradlestrarskolinn.is – eða í síma 773 0100 – innan 7 daga eftir skráningu og gefa upp fullt nafn, kennitölu og heimilisfang.

Fyrirspurnir